احرار
انا حر ارجع وقت مانا , عايز انا حرة البس اللى انا عايزاه , انا حر اسهر زى مانا عايز , انا حرة اخرج مع اللى انا عايزاه , انا حر اصاحب اللى انا عايزه ,انا حرة اعمل اللى انا عايزاه
ولكن
عمر الحرية مكانت (سجاير - فسح - اختلاط - عقوق - اغانى - سهر - عرى - سينما - شيشة...)وتقولى انا حر , ده انت فى قمة الذل واسوا انواع العبودية
ما هى الحرية؟
هو ده اللى هنعرفه فى المدونة ده , هنعرف الحرية الحقيقة اللى يمكن بنفتقدها احيانا بنحسها احيانا , بس الاكيد اننا لما بنحسها بنحسها بجد (فى طاعة ربنا - البعد عن الخطا على اد مبنقدر - فى وقفة نيل - فى قعدة الاصحاب - فى مساعدة محتاج - فى التعبير عن ارائنا - فى اى حاجة مش غلط بنبقى عايزين نعملها ونعملها بدون خوف) 0
طيب ليه المدونة ده اصلا؟
لقيتى مثلا ان المدونات الموجودة مش على المستوى المطلوب وانك لازم تتدخلى بنفسك لانقاذها0 ولا فاضية وزهقانة وقلتى تزهقينا معاكى ولا قلتى مثلا يا بت يا انسانة انتى اقل من المدونين دول فى ايه كل اللى بيمتلكوه كيبورد وعقل بيفكر وقلب بيحس وانتى كمان عندك التلاتة شغليهم مع بعض هتطلعى احسن الاكلات (اقصد الموضوعات)
فعلا
ممكن ده تكون من اسباب اتجاهى للتدوين بس السبب الحقيقى انى كتبت شوية موضوعات على ما اسهم كده وكنت ببعتها فى الميلات عندى وبنزلها فى منتدى رسالة وكده ,فقلت بدل مانا مزهقة الناس معايا وبفرض عليهم قراية كلامى اعمل مدونة واكتب فيها اللى انا عايزة اقوله واللى عايز يقرى يقرى واللى مش عايز يقرى برده
بس بس داخلة علينا تقوللنا احرار وامبابة ورمسيس , تعالى هنا قوللنا انتى مين اصلا علشان تدونى؟
انا انسانة (وكفى به تعريف) , بحب ربنا و الرسول ثم امى ثم اهلى ثم اصحابى ثم خانة فاضية ثم الناس كلهم ثم انا
بحب (الحرية - الحب - العدل - الصح - النور - الاطفال - الطبيعة)0
بحترم (نفسى - الاخرين - الصدق - الصراحة - العقلية المتفتحة )0
بكره ( الكذب - الخوف - الظلم - الضلمة - النكد - اللف والدوران - الرجالة ههههه - العقلية المحدودة - اسرائيل)0
اسال الله العظيم ان يرزقنا الاخلاص فى القول والعمل وان يجعل هذه المدونة فى ميزان حسناتنا والايجعلها فتنة لنا فى ديننا
اللهم لا تجعلنى جسرا يعبر عليه الناس الى الجنة ويرمى به فى جهنم
والسلام عليكم ورحمة الله وبركاته
14 comments:
إيه الحظ ده أنا أول واحد
يلا من أول مره كده ..حنقضيها جمايل
علي العموم يا باشا ليك تاج عندي
مبروووووووووووووك علينا المدونة الجديدة
يارب تكون اضافة مميزة
ومتشكر على الكلام الجميل اللى كاتباه عنى .. انا معملتش غير الواجب يا فندم
فى انتظار موضوعاتك
دينامو الاخوان :
ده شرف لينا انك تكون اول واحد , بس مفيش جمايل ولا حاجة
ويلا دبس الدكتور عمر فى التاج اصله بحب التاجات جدااااااا
مشروع بطل :
الله يبارك فيييييييييييك , لا شكر على واجب ده اقل حاجة
موضوعات ايه المفروض تكتب البوست الجاى ولا هنهرب من اولها ولا ايه
مبروك يا انسانة المدونة وشدي حيلك في انتظار المزيد منك لخفة دم المواضيعات التي تطرحيا باسلوبك الشيق
emad:
الله يبارك فيك وانا هحاول اشده بس ربنا يستر ومش يتقطع
ومتشكرة جدا على التشجيع ده
انسانة ما تخافيش ربنا ما يقطع لك حيل ودائما نشوف لك جديد وربنا ينجك ويوفقك يا خفيفة الظل والروح
?????????????
متشكرة جدا وجزاكوا الله خير
انسانة انا بدعي لك من اعماق قلبي بالتوفيق ليه كل علامات الاستفهام ديت يا استاذه انت ربنا انعم عليك بلباقة الحديث احنا بنعبر علي قدنا فسامحينا وربنا يبارك فيك وفي انتظار الجديد مش بس موضوع وخلاص ولك وافر تحياتي
متشكرة يا باشمهندس؟؟؟؟؟؟؟
واياكم
لا شكر علي واجب يا استاذه بس عاوزين جديد حفظنا المدونة خلاص ولا الكلام خلص عموما ربنا يوفقك لما فيه الخير
قريبا ان شاء الله بس لازم نتقل على الجمهور كده
وعامة الكلام عمره مبيخلص
ربنا يوفقك لكل خير
حقيقي كل كلامك موزون وواعي
ويستحق ان يرد عليه كبار الناس
انتي فعلا
انساااانة
شكرا
Post a Comment