من ورا ستارة الليالى
انا حبيت اكتب عن بعض الافكار فى ناس بيسموها خواطر وناس مبيسموهاش معرفش بقى , المهم انى قلت هكتبها يعنى هكتبها واللى مش عجبه ميقراش هههههههههههه
وقلت علشان معكننش على نفسى وعلى الناس اكتب عن الحاجات الحلوة اللى بتفرح والحاجات الوحشة اللى بتبكى بعدين
اولا :مواقف تفرح بجد وتخلى الواحد يقول الدنيا لسه بخير بالرغم من ندرتها , بس الواحد بقى بيحاول يتعلق باشاية , وزى مبيقولوا ( نشوف النص المليان من الكوب) بالرغم ان الكوب فضى ومبقاش فى نقطة مياه لا وكمان تقريبا انه اتكسر اصلا , بجد يا جماعة انا قررت انهارضه انى لن اتشائم ابدا , ولو الكوب اتكسر انا ممكن اشترى كوب تانى وامليه مياه ولو معييش فلوس اشترى كوب تانى , هصنع كوب من اول وجديد ولو مستحيل اصنع كوب هتخيل كوب واتخيل كمان انه مليان مياه
المهم بقى انا الاول هقولكوا حاجات بتخلينى انا خاصة ابقى مبسوطة لما بشوفها
لما تبقى ماشى فى الشارع وتلاقى واحد بيضحك مع واحد صحبه او( اى حاجة بقى) او واحدة مثلا بتهزر مع واحدة , وتحس ان الضحك طالع من قلبهم وانهم فعلا مبسوطين ومتلاقيش فى الضحك او الهزار تصنع او مجاملة او ضحكة صفرا , تحس انهم فعلا فرحانين من جواهم بقول
وقلت علشان معكننش على نفسى وعلى الناس اكتب عن الحاجات الحلوة اللى بتفرح والحاجات الوحشة اللى بتبكى بعدين
اولا :مواقف تفرح بجد وتخلى الواحد يقول الدنيا لسه بخير بالرغم من ندرتها , بس الواحد بقى بيحاول يتعلق باشاية , وزى مبيقولوا ( نشوف النص المليان من الكوب) بالرغم ان الكوب فضى ومبقاش فى نقطة مياه لا وكمان تقريبا انه اتكسر اصلا , بجد يا جماعة انا قررت انهارضه انى لن اتشائم ابدا , ولو الكوب اتكسر انا ممكن اشترى كوب تانى وامليه مياه ولو معييش فلوس اشترى كوب تانى , هصنع كوب من اول وجديد ولو مستحيل اصنع كوب هتخيل كوب واتخيل كمان انه مليان مياه
المهم بقى انا الاول هقولكوا حاجات بتخلينى انا خاصة ابقى مبسوطة لما بشوفها
لما تبقى ماشى فى الشارع وتلاقى واحد بيضحك مع واحد صحبه او( اى حاجة بقى) او واحدة مثلا بتهزر مع واحدة , وتحس ان الضحك طالع من قلبهم وانهم فعلا مبسوطين ومتلاقيش فى الضحك او الهزار تصنع او مجاملة او ضحكة صفرا , تحس انهم فعلا فرحانين من جواهم بقول
الدنيا لسه بخير
ولما تبقى ماشى فى الشارع وتلاقى واحد بيساعد واحدة عجوزة او اى حد بيساعد انسان محتاج حاجة ومش محتاج منه اى مصلحة او اى مقابل بقول
ولما تبقى ماشى فى الشارع وتلاقى واحد بيساعد واحدة عجوزة او اى حد بيساعد انسان محتاج حاجة ومش محتاج منه اى مصلحة او اى مقابل بقول
الدنيا لسه بخير
ولما تعدى جمب حضانة او مدرسة وتلاقى الاطفال عمالين يهزروا ويلعبوا (طبعا مبيبقوش عارفين ايه اللى مستخبلهم بعد كده ههههه) لا بجد وتلاقى البراءة فى عيونهم وصوت ضحكهم عالى بقول
ولما تعدى جمب حضانة او مدرسة وتلاقى الاطفال عمالين يهزروا ويلعبوا (طبعا مبيبقوش عارفين ايه اللى مستخبلهم بعد كده ههههه) لا بجد وتلاقى البراءة فى عيونهم وصوت ضحكهم عالى بقول
الدنيا لسه بخير
وعامة انا مش هقول الحاجات اللى تخليك تقول هو فين الخير ده المرة ده , مرة تانية بقى ابقى اعكها براحتى , بس بجد يجماعة طول مفينا نفس لازم يبقى فينا امل واكيد بكره احسن ان شاء الله
ومسيرها تروق وتحلى
من ورا ستارة الليالى
من ورا ستارة الليالى
شمس بكرة جايّة تاني
شمس بكرة جايّة جايّة
بكرة أجمل م النهارده
شُفت يوم عصفورة نونو
لسه طالعة من أودتها
ريشها كان مبلول و لونه
لون غناها و صوصوتها
قمت قُلت ف عقل بالي
قمت قُلت ف عقل بالي
بقى دي جناحها يشيلها؟
سِبتها و مشيت في حالي
بعد مدة قلت آجيلها
قالي واحد من جيرانها
قالي واحد من جيرانها
ياه دي طارت ليها مدة
قلت معنى طيرانها
بكرة أجمل م النهارده
من ورا ستارة الليالي
شمس بكرة جايّة تاني
شمس بكرة جايّة جايّة
بكرة أجمل م النهارده
شُفت مرة مهرة سمرا
نونو ماسكة ف ديل مامتها
قُلت بكرة حتبقى حرة
تجري وحديها براحتها
عدى شهر و شهر تاني
شُفتها فرسة جميلة
تنطلق تجري ف ثواني
تقطع الرحلة الطويلة
قمت قلت لها قوليلي
قمت قلت لها قوليلي
ليه بتجري يا مهرة شاردة
قالت الريح بتناديلي
بكرة أجمل م النهارده
من ورا ستارة الليالي
شمس بكرة جايّة تاني
شمس بكرة جايّة جايّة
بكرة أجمل م النهارده
ملحوظة : انا اللى كاتبه الكلام اما القصيدة لا
9 comments:
التفاؤل... يا سلام لو عرفنا نعيش بيه علطول بجد تبقى نعمه عظيمه بس بما اننا فى مصر فأظن الحالة دى مش هتطول عن يومين معاكى ههههههههه
يعني تسكتي تسكتي وبعدين تنزلي باربع بوستات مرة واحدة
:D :D
والله هو احساس حلو وكل حاجة وجميل جدا ان الواحد يفضل متفائل على طول
بس الامهم ان الواحد ميكونش بيضحك على نفسه عشان يصنع التفاؤل لأن ده بيخلينا نتغاضى عن اشياء مينفعش التغاضي عنها
على فكرة ان مش بدعو للتشاؤم ولا حاجةحتى شوفي انا بضحك اهو
:D :D
بس كل المطلوب اننا نكون واقعيين عشان نقدر نواجه مشاكلنا ونحلها
وعموما يا انسانة انا فرحان بجد ان في حد عندو التفاؤل ده ويارب دايما كده ان شاء الله وادعيلنا احنا كمان نتفائل زيك كده
:D :D :D
dr.nassif
باذن الله نعرف نعيش بيه علطول , وابعد عن موضوع مصر ده علشان الواحد مش يجيله اكتئاب مش بس هيتشائم ويومين هيكونوا كتير ساعتها , بس بجد انا شايفة ان ايمان الواحد بالقضاء والقدر وايمانه بحكمه ربنا وعدله ووجوده هو اهم اسباب تفاؤله
الام وامال
حتى الاسم فيه تفاؤل لوحده( امال )وسيبكوا بقى من النص الاول من الاسم , بالنسبة للاربع بوستات اصلى كنت خدت قرار كده انى انزل كل المواضيع اللى كتبتها مرة واحدة واعتزل التدوين والنت كله وبعد كده عدلت عن القرار يلا حصل خير
بالنسبة بقى للتفاؤل والتصنع فانا شايفة اننا لو هنضر نصنع التفاؤل علشان نعيش ومنكتئبش فده هيكون حل مؤقت كويس برده , بس فعلا لازم التفاؤل يبقى نابع من جوانا وزى مقلت من ايمانا وعقيدتنا وان احنا على اد منقدر نلتفت للحاجات الحلوة فى حياتنا اكتر من الحاجات السيئة وطبعا الواقعية مطلوبة مش هنفضل نقول الحياة حلوة ونفضل واقفين مكانا لا الحياة وحشة بس فيها حاجات حلوة وفى امل وتفاؤل فيلا بينا نسعى للافضل
اساله الله ان يجعلنا من المتفائلين وان يبعدنا عن التشاؤم وان يهدينا لما فيه الخير والصواب
وجزاكم الله خير جميعا
ما شاء الله ... كل ديه طاقة ايجابية !؟
و الله انا حسيت بسعادة و أنا بقرأ و كأن الطاقة ديه اتنقلت ليا
عيش وقتك عيش ايامك
الدنيا براح ادامك
والضحكة تهون اى جراح
على اية تنزل دمعاتك
لو يوم عداك او فاتك
احلم بالجى تعيش مرتاح
الدنيا لو جارحة
لونها لون فرحة
ماهو اية بيطول عمر الواحد
غير الفرحة
الماضى وكل الذكرى
استنى بدلهم بكرة
افتح حضنك للعالم
حب وماتحبش تكرة
الدنيا بكل ما فيها
عيش فيها احلى مافيها
اختار اللحظة الحلوة
واللحظة المرة ارميها
كل سنة و انتي طيبة
محمد
السلام عليكم ورحمة الله وبركاته
ربنا يجعلك متفائله دايما اما التشاؤم فلا تشاؤم في الاسلام
ربنا يجزيكي خير علي سعيك في عمل الخير
كنتي سألتي في المدونه عندي ازاي تقدري تساعدينا
ببساطه
في موقع يتبع لموقع طريق الاسلام الموقع ده يحتوي علي سيرة الرسول صلي الله عليه وسلم بعشر لغات غير اللغه العربيه
واللي احنا محتاجينه جمل بجميع اللغات وخاصة اللغات الموجوده في الموقع والمذكوره عندي في المدونه
والجمل عباره عن كلمات تدعو لزيارة الموقع بس كلمات بتتقال بطريقه تجذب الناس
زي مثلا
هل تعرف ما يكفي عن نبي الاسلام؟ اذا كنت مهتما بالامر يرجي زيارة هذا الموقع
وهكذا اي شيء من هذا القبيل
وبعد ما نحصل علي الجمله دي بجميع اللغات الموجوده في الموقع هنعمل تدوينه تانيه ان شاء الله تحتوي علي جميع اللغات
بمعني كل لغه مكتوب بيها الجمله دي وتحتها الرابط الخاص بالموقع
بحيث يبقي سهل علي الناس جدا ياخذوا اي جمله كوبي وينشروها في الشات في المدونات في اي مكان الناس فيه بتتكلم نفس اللغه
طيب دورك ايه
تساعدينا في ترجمة الجمله دي باللغات اللي تقدري عليها
واذا لم تستطيعي فساهمي معنا بنشر الفكره في المدونات
او تاخدي الجمله المكتوبه باللغه الانجليزيه هناك وتدخلي علي الشات الانجليزي وتكتبيها
او اي مدونه اجنبيه
بس متنسيش تحطي مع الجمله رابط الموقع وانا هكتبلك رابط الموقع
http://www.islamway.com/mohammad/
لو احتجتي اي تفاصيل اخري اطلبيها مني وانا تحت امرك
وكفايه اوي اننا نشعر ان في حد شايل الهم معانا وبيحاول يساعد علي اد ما يقدر
ربنا يجزيكي خير يا انسانه ويجعله في ميزان حسناتك
وعليكم السلام ورحمة الله
امين وجزاكنا واياكم
بالنسبة للافكار كويس جداان شاء الله انا هاخد الجملة باللغات الانجليزية والفرنسية وانشرهم فى شات اجنبى ولو لقيت مدونات اجنبية وباذن الله مش هنسى لينك الموقع , ربنا يسهل
ربنا يجعله فى ميزان حسناتى وحسناتكوا باذن الله
انا كمان زيك في احساسك والغريب ان قيت اسمى كمان زى اسمك بس بالهمزة .
نفس المواقف اللي ذكتيها بتدينى احساسي بالتفاؤل واصحابي بيقولولي ان غلسة مبيأسش ابدا
احييك يا قمر
مش ينفع كده مش قلتلك لازم حد فينا يتنازل عن انسانيته ههههه
نورتى المدونة يا أنسانة وكويس انك غلسة مش بتيئسى فى ناس سورى يعنى كئييييبة تحسى انها علطول متشائمة , مش عارفة على ايه محدش واخد منها حاجة
ميرسى على التحية
Post a Comment